Денеска е Митровден

Македонија денес го прославува 23 Октомври - Денот на македонската револуционерната борба.Празникот се празнува по повод формирањето на македонската револуционерна организација во Солун.

Света упокоена литургија утрово беше отслужена во црквата „Успение на Пресвета Богородица” во Крушево, за две години од трагичната смрт на музичката икона Тоше Проески.

Тага и болка во сеќавањата и утеха во спомените за Тоше бараат неговите најблиски,  крушевчани и сите  почитувачи, кои денеска се собраа на неговото вечно почивалиште на Гумење.Низ пламенот од свеќите, околу гробот на Тоше не се добројуваат пораките, желбите, сеќавањата и солзите за Тоше.

Република Македонија денеска одбележува 68 години од почетокот на антифашистичкото востание и народноослободителната војна.

Со нападот на борците од Првиот прилепски партизански одред врз бугарскиот полициски участок и врз телефонско-телеграфската мрежа во Прилеп на 11 октомври 1941 година беше означен почетокот на организираното востание на македонскиот народ против бугарскиот, италијанскиот и германскиот окупатор за конечно ослободување на земјата.

 Светиот архиерејски синод на Македонската православна црква  на  вонредна седница што се одржа во манастирот „Свети  Јован Бигорски“, на која присуствуваа архиепископот на МПЦ г.г. Стефан, владиците Кирил, Агатангел, Тимотеј, Климент, Петар и Наум, разговараше за состојбата по пожарот во манастирот, како и за помошта која му е потребна на монашкото братство.

Во големиот пожар што избувна утринава околу 4.30 часот во манастирот Св. Јован Бигорски целосно е уништен делот на старите конаци, но спасена е црквата.

Целосно се опожарени конаците, трпезаријата и библиотеката, но од полицијата информираат дека нема повредени. Монасите успеале да ги спасат од огнената стихија поважните предмети кои биле во опожарените објекти.

Пожарот кој го зафати манастирскиот комплекс Св. Јован Бигорски е локализиран околу 7 часот, а најверојатно започнал поради проблеми со електричните или плинските уреди во кујната.