Одбележани 115 години од формирањето на првата востаничка чета во охридско

Во манастирот „Света Петка“ – Велгошти вечерва се одбележаа 115 години од формирањето на првата востаничка чета во охридско.

Како што истакна Ѓоко Чингоски, директор на ОУ „Живко Чинго“, формирањето на четата во Света Петка не е само поради блискоста до Охрид, туку и поради приврзаноста на велгоштани кон делото на Организацијата.

– Овој настан велгоштани со гордост го споменуваат и го носат во срцето и душата, тој дух и ден денес ќе го видите во Велгошти, од мали деца па се до возрасни, стари е предавано од колено на колено, изјави Чингоски.

Велгоштани бараат да му се придаде поголема важност на овој настан од македонската историја

На формирањето на четата присуствувале: Христо Узунов, Наум Цветинов, Андреј Христов, Наум Златарев и Никола Костојчинов, а според најновите откритија е забележано дека и мајката на Узунов присуствувала на овој настан.

Во чест на 80-годишнината од формирањето на првата Охридска револуционерна чета, во манастирот Света Петка на 22 декември 1981 година, месната заедница од село Велгошти откри спомен-плоча.

Во селото Велгошти се одбележаа 115 години од првата востаничка чета во Охридско. Имено на 6ти јули 1901 година се формирала чета која била најголем успех на Охридската револуционерна организација. Во црквата Св. Петка со положување на свежо цвеќе им се оддаде почит на 5 мината војводи кои ја формирале четата.

Posted by Televizija 1 on Friday, July 8, 2016

Извор: О2 Телевизија




Напишете коментар

Вашата адреса за е-пошта нема да биде објавена. Задолжителните полиња се означени со *