Ноќеска точно во 24 часот започнува изборниот молк што ќе трае до заутре во 19 часот кога ќе се затворат гласачките места.
На полноќ ќе заврши и предизборната кампања на кандидатите кои учествуваат на претседателските и локалните избори во Република Македонија Во вториот круг од изборите, во Охрид ќе сe гласа на 73 избирачки места, а право на глас имаат 53 893 граѓани.
Велгоштани ќе заокружуваат на две избирачки ливчиња. Ќе бираат помеѓу Александар Петрески и Кирил Трендафилов – Нанче во градоначалничката трка.
Кирил Трендафилов – Нанче или Александар Петрески
На државно ниво, во избирачкиот список се запишани 1 792 082 граѓани кои ќе гласаат на 2 976 избирачки места.
Први утре ќе гласаат болните и изнемоштени лица, затворениците и внатрешно раселените лица.
За претседател на Република Македонија изборот ќе падне помеѓу Ѓорге Иванов и Љубомир Данаилов – Фрчковски.
Ѓорге Иванов или Љубомир Данаилов – Фрчковски.