Во чест на македонскaта музичка икона Тоше Проески вечерва на Градскиот стадион во Скопје ќе се одржи голем хуманитарен меѓународен концерт насловeн „Те сакаме сите Тоше“

 

 

Покровител на концертот е Владата на Република Македонија и Министерството за култура, а организатор е Меѓународната фондација Тоше Проески – Крушево.

На концертот ќе настапат пејачи и групи од Македонија и од странство меѓу кои Калиопи, Наум Петрески, Аки Рахимовски, Адријан Гаџа, Руслана, Синтезис, Биља Крстиќ, Марија Шестиќ, Бојан Маровиќ, Гоца Тржан, Тони Цетински, Жељко Самарџиќ, оркестарот на Македонската опера и балет под диригенство на Саша Николовски – Ѓумар, како и бендот на Тоше. Водители ќе бидат Ели Танаскова, Игор Џамбазов и Тони Михајловски.

Отворени се и донаторски линии на кои заинтересираните преку бројот 143-100 од мрежата на Космофон, ВИП, T-Home и Македонски телекомуникации со или без префикс можат да донираат 100 денари. Фондацијата „Тоше Проески“ по завршувањето на концертот ќе одлучи каде да ги донира средствата од билетите и хуманитарната линија.

Организаторите планираат концертот со меѓународна димензија да се одржува секоја година на истиот датум – 5 октомври.